成都小巷 (已結業)

太耐無食米線，所以做定功課搵埋媽咪嚟試，成都小巷唔係響大街，所以連住灣仔嘅媽咪都唔知佢嘅存在。成都價錢都幾親民，$4x一個lunch連飲品，店員又親切，下次可以再幫襯。🥢蟲草花鮮滑雞湯米線 $45⭐️⭐️⭐️⭐️誠意之作，估唔到有咁多雞同菜，雞唔肥又非常嫩滑，米線軟硬度適中，湯底又唔咸，媽咪表示滿意🥢雲南酸辣小鍋米線 (冬菇+豬軟骨) $43，凍檸茶 +$6 ⭐️⭐️⭐️⭐️我唔食得辣，但又想要少少酸辣味同多啲酸菜，同店員講佢哋即刻話無問題，出嚟個湯超好味超啱心水，豬軟骨入味又腍，冬菇乾淨無沙，我非常滿意二人共消費：$94