成都小巷米線雞煲 (和富道) (已結業)

餐廳：成都小巷米線雞煲地點：北角和富道菜式：川菜餐牌：烤魚任食自助吧1.5小時$138，烤魚轉鱸魚每位加$10，可以加少少錢加時間。另外有午市套餐（送例湯同冷熱飲品），小菜同小食。酸菜湯烤鱸魚烤鱸魚大大個爐上枱，條魚好大條，已經炸過，塊皮好脆，連骨都食得，肉就嫩滑，正！我地揀咗酸菜唔辣嘅湯底，個湯有好多酸菜，大白菜，芽菜，仲有金菇，面頭加上大量芫荽同蔥花。味道酸酸地，健康好味唔會太濃，又唔會太油。而魚皮面頭有一層孜然粉，所以食落超香。任食自助吧有生菜，娃娃菜，油墨菜，南瓜，番茄，芋頭，豆腐，冬菇，金菇，豆卜，年糕，貢丸，牛丸，牛柏葉，腸仔，魚蛋，炸魚蛋，竹輪，鮮雞肉，豬紅，燒賣，公仔麵，烏冬等等。我地主要加蔬菜類，質素都好新鮮。飲品櫃有啤酒汽水茶等，選擇都唔少。服務員態度友善，烤鱸魚質素的確唔錯，今餐食得好開心又飽足。