元朗合隆潮州粉麵 (德仁街)

营业中

休息中

今次係第二次幫襯，因為食過一次之後成日都會好掛住佢嘅胡椒豬肚湯，所以今日去開灣仔就決定食佢。坐低冇耐就知道自己一定係食細嘅豬什河粉，可惜今日河粉已經賣晒所以轉咗做米粉。我最欣賞呢度嘅湯底係湯胡椒豬肚湯，呢個豬什配米粉還可以，不過我覺得配河粉最適合不過。其實我好想知道細豬什麵同大豬什麵到底係啲餸會多啲還是啲麵多啲。細豬什每一款餸都有兩件，老實講就唔係好夠食，不過食完成碗湯米之後又真係好夠飽🤣🤣另外佢有自製辣椒油都可以一試，辣椒油嘅香味可以令到啲豬什有唔同層次嘅味道，不過完全唔食得辣嘅人就唔好試，因為都有一定程度嘅辣。