龍城冰室

营业中

休息中

呢頭咁多餐廳，係龍城至成日排長龍，點都要搵機會試吓。佢哋要求齊人至可以入座，咁都合理嘅，態度語氣都還好。今次試咗幾款食物。首先叫咗個豬扒常餐，佢個出前一丁都煮得幾好，軟硬適中亦彈牙，豬扒都夠大塊。而佢塊多士係丹麥多士，好香牛油味，炒蛋亦都好味道。另外叫咗煙三文魚沙律，同其他餐廳一樣操作，穩陣，菜都夠新鮮，醬汁帶來微微酸酸甜甜，開胃爽口跟住試埋魚柳all day breakfast，份量好足，有大塊魚柳，沙律底，加炒蛋、煙肉、腸、同火腿牛角包，樣樣其實都新鮮好味，魚柳都好香脆。職員們雖不笑容滿面，但都唔係差嘅。最緊要個價錢都好親民，所以抵佢要排幾個字至有得入座。