影片
更多
2007-06-21
我成日同阿媽0黎呢間幫襯,因為真係好抵食。有報紙coupon嘅話,加埋一每位都只係$75倒。雖然平過$75嘅lunch buffet大有人在,但如果要喺酒店食lunch buffet,而且仲有咁多款食物不停供應嘅話,就絕無僅有。嗰度嘅三文魚同壽司係會不停供應,所以第一,二輪拎唔到嘅仲有大把機會,不過就略嫌壽司款式不多,來來去去得3,4款。其實個甜品區都幾ok,雖然算不上有大酒店水準,但味道過得去,有成7,8款,蛋糕,果撻等,仲有即叫即整嘅鮮果pancake。雖然話就話有檔'高檔車仔麫',但就無咩人叫野食,因為真係普通嘅車仔麪0黎咋,最多都係試過嗰檔嘅鐵板燒餃子,其實只係用鐵板煎三隻急凍餃,所以無再去高檔車仔麫拎野食。反而啲熱盆幾鍾意,有時有酸酸辣辣嘅蜆,炆牛尾好入味,金沙骨都唔錯,有一次去仲有三文魚忌廉湯,好好味。但必食兼首推嘅當然係黃金焗生蠔’,真係勁好味,隻蠔上方面有一啲相信係茸蓉嘅漿,焗過之後,隻蠔勁香勁多鮮甜汁,我每都會食3,4隻。不過順帶一提,焗蠔大概會buffet嘅中段時間出,而且一出就必喺定半分鐘之內一掃而空。不過,餐廳又會好好咁不停供應,但係自己都要識做,間唔中出去熱盆
嗰度嘅三文魚同壽司係會不停供應,所以第一,二輪拎唔到嘅仲有大把機會,不過就略嫌壽司款式不多,來來去去得3,4款。
其實個甜品區都幾ok,雖然算不上有大酒店水準,但味道過得去,有成7,8款,蛋糕,果撻等,仲有即叫即整嘅鮮果pancake。
雖然話就話有檔'高檔車仔麫',但就無咩人叫野食,因為真係普通嘅車仔麪0黎咋,最多都係試過嗰檔嘅鐵板燒餃子,其實只係用鐵板煎三隻急凍餃,所以無再去高檔車仔麫拎野食。
反而啲熱盆幾鍾意,有時有酸酸辣辣嘅蜆,炆牛尾好入味,金沙骨都唔錯,有一次去仲有三文魚忌廉湯,好好味。但必食兼首推嘅當然係黃金焗生蠔’,真係勁好味,隻蠔上方面有一啲相信係茸蓉嘅漿,焗過之後,隻蠔勁香勁多鮮甜汁,我每都會食3,4隻。不過順帶一提,焗蠔大概會buffet嘅中段時間出,而且一出就必喺定半分鐘之內一掃而空。不過,餐廳又會好好咁不停供應,但係自己都要識做,間唔中出去熱盆區兜下圈先食到美味嘅焗生蠔。
服務方面,個經理同啲waiter都幾nice。
得閒又有coupon的話仍然會幫襯。記住一定要訂位,仲要前一,兩日訂。
张贴