更多
2013-07-05
220 浏览
我算係呢間舖嘅常客,每兩星期都會幫襯一兩次左右,佢嘅價錢同食物質素都唔錯,只係店員嘅服務態度同埋處事手法真係好差事緣係,我叫外賣,我知佢地外賣嘅速度不嬲好慢,於是落完單就走去隔離超市睇吓嘢,睇咗五分鐘折返,返到去,見到成班廚房師傳同店員吹緊水好得閒,諗住可能D嘢食處理緊所以吹兩嘴,吹咗兩三分鐘,可能個經理見我企咗響度咁耐,先突然醒起有外賣單,果刻先叫廚房師傳開始整我嘅單心諗,佢咁嘅價錢,算啦,等吓啦計埋我出去睇嘢足足等咗十五分鐘,終於等到我個外賣啦但外賣入面果杯嘢飲幾乎訓低就嚟倒潟,我同果個帶眼鏡嘅男士講:『你可唔可以幫我整返好D吖?就嚟倒潟啦啵』佢就口口有詞唔知講咗乜,完全冇幫我手嘅意思,於是我唯有自己整跟住我問佢,入面有冇味噌湯,因為我試過有次個新手妹妹唔記得擺湯入去,但果次嘅妹妹就非常有禮貌地向我道歉,同今次呢個帶眼鏡嘅男士態度天壤之別我一問,果個男士就好悔氣咁講:『入面D嘢有哂架啦!』咁大間舖,開門做生意,你地漏單要我罰企等咗咁耐,SORRY都唔講聲,都算啦,要你幫我整返好杯嘢飲,唔幫,問佢嘢,仲咁嘅態度其實呢間嘢食嘅質素真係唔錯,個價錢又夠抵,廿八蚊堂食有湯有飯有菜有小食仲有
事緣係,我叫外賣,我知佢地外賣嘅速度不嬲好慢,於是落完單就走去隔離超市睇吓嘢,睇咗五分鐘折返,返到去,見到成班廚房師傳同店員吹緊水好得閒,諗住可能D嘢食處理緊所以吹兩嘴,吹咗兩三分鐘,可能個經理見我企咗響度咁耐,先突然醒起有外賣單,果刻先叫廚房師傳開始整我嘅單
心諗,佢咁嘅價錢,算啦,等吓啦
計埋我出去睇嘢足足等咗十五分鐘,終於等到我個外賣啦
但外賣入面果杯嘢飲幾乎訓低就嚟倒潟,我同果個帶眼鏡嘅男士講:『你可唔可以幫我整返好D吖?就嚟倒潟啦啵』佢就口口有詞唔知講咗乜,完全冇幫我手嘅意思,於是我唯有自己整
跟住我問佢,入面有冇味噌湯,因為我試過有次個新手妹妹唔記得擺湯入去,但果次嘅妹妹就非常有禮貌地向我道歉,同今次呢個帶眼鏡嘅男士態度天壤之別
我一問,果個男士就好悔氣咁講:『入面D嘢有哂架啦!』
咁大間舖,開門做生意,你地漏單要我罰企等咗咁耐,SORRY都唔講聲,都算啦,要你幫我整返好杯嘢飲,唔幫,問佢嘢,仲咁嘅態度
其實呢間嘢食嘅質素真係唔錯,個價錢又夠抵,廿八蚊堂食有湯有飯有菜有小食仲有嘢飲,可惜衰在店員手上
‧煎雞扒唔錯,和風牛肉嘅味好淡,唔突出
张贴