三姐廚房私房菜 (已結業)

大家都知道私房菜食物質素一定有返咁上下，仲一定有d撚手小菜添！今日公司簽左張新單，老細帶路黎到工廈中既私房菜，仲同餐廳傾好左菜單！成餐飯好似去飲咁逐樣逐樣上，人頭分送，好飽呢！ 有機沙津菜－好清新既沙律，不過班食肉獸同事冇咩興趣 ，但我覺得配胡風芝麻醬好開胃。魚子醬溏心蛋配炸茄子－相信唔少人都同小姐一樣鍾意食溏心蛋，但真係冇諗過流心蛋＋魚子醬＋茄子加埋一齊會咁夾！熱辣辣，爭d比舊茄子辣親XD 位位一盅燉湯，魚翅花菇湯－識飲一定飲魚翅！真係好足料架，大大塊翅可以擺入口，膠質好重啊！ 出水芙蓉－個名同外觀一樣咁靚，其實係滑溜溜蒸蛋，仲有大大隻帶子係面，正！跟住有條海班食，黑松露炒斑球同炸斑腩－呢個唔錯魚肉幾滑，而配菜有晒黑松露味好香～炸斑腩我就麻麻地喇，食唔到斑腩既嫩滑，外面炸漿太硬。 啫啫鮑魚煲－一句講晒，食一隻係唔夠喉！啫啫其他料爆到香一香，鮑魚亦細心介開令佢更易熟爽口，啲配料薑蔥先係重點，入晒味！咖喱炒蟹－鮮，大隻，多肉。D汁直頭打包返屋企撈飯牛肝菌炒飯－後尾先黎既炒飯，牛味好濃，堅係炒得好有穫氣好香，雖然好飽，但都忍唔住食左2碗。最後仲有2個甜品，小姐最鐘意呢個炸雙色丸，入面係芋頭