戀上台式料理 (已結業)

我同朋友們，都超鍾意食烤魚，經常食火鍋好燥熱，食烤魚都係一個唔錯嘅選擇。戀上正宗台式烤魚😍 🐟- 古早酸菜味- 正宗麻辣味仲包埋不銹鋼鐵盤 👍🏼當烤魚湯汁淋喺魚身上，散發出誘人香味，啖啖魚肉，又滑又鮮味，惹味可口😋兩種味道各有特色，有辣有唔辣，任君選擇😛另外推介台式滷肉飯：肉肥瘦適中，米飯粒粒分明，口感有嚼勁弹牙。小食方面：士林鹽酥雞、脆香大大雞扒、鹽酥排骨、人氣芝麻雞翼、黑松露黃金花枝丸、戀上生煎包。鹽酥、脆炸系列，炸到外皮好鬆脆，但肉質好新鮮嫰滑，好Juice呀。另外人氣芝麻雞翼好有驚喜，芝麻香口惹味，雞翼一樣，雞肉好新鮮，一啲雪藏味都冇。最後要推介嘅就係黑松露黃金花枝丸，呢個配搭好新鮮，但出奇地夾，花枝丸爽口彈牙😋最後要讚嘅就係落單好方便，餐廳仲會安排司機送到府上，嚟到啲食物仲熱辣辣㗎，而且所有醬汁入晒盒好貼心，House party之選 👍🏼🥳🥳