尚鮮日式燒肉漁市場 (已易手) 新餐厅

近期系銅鑼灣蒲開，發覺原嚟自己錯過咗唔少好正嘅餐廳！！就好似今日食嘅哩間放題咁，系我食過嘅放題入面性價比高嘅放題店！！而且哩間放題有啲日韓二合一嘅feel，不過佢好食嘅野嘅款式都幾多~~~..晚市嘅放題呢2個人系660蚊，燒肉海鮮刺身應有盡有，好似哩份甜蝦刺身咁，蝦殼已經全部處理好曬，我地只需要負責食就ok啦~~！！。蝦肉紅白相間，非常厚實，肉質好嫩，食嘅時候仲有少少蝦汁，超級正吖！覺得口乾，仲有唔同口味嘅道地汽水。個人比較鐘意哩款LEMON BLACK TEA，檸檬味十足，有淡淡嘅酸味，不過可以接受，仲有濃郁嘅紅茶苦澀味，好好飲！！齋食放題又點可以滿足到我地兩個人嘅大胃呢，所以又自己另外加咗6隻朝燒蠔同埋一個地獄辣酒煮蜆，聽到個名就已經好開胃啦！！估唔到味道真係一級棒！蜆肉放系經過調試嘅辣酒湯入面再同啲蠔一齊放入燒爐到燒，蠔汁慢慢就流出嚟啦，好鮮甜，蜆肉配埋辣酒一齊食，味道夠鮮、夠辣！開胃。辣完之後，仲可以食個雪糕仔，口感軟滑冰涼，味道微甜。含喺個口度一陣間，可以feel到雪糕嘅軟滑同香味。