戀上台式料理 (已結業)

今晚去左將軍澳海濱🏖️搵食，有很多西餐，唯獨見有間台灣菜～戀上台式料理，餐牌都有幾多款式選擇，價錢親民抵食，就進入開餐囉☺️。麻辣鴨血湯麵套餐，附送前菜3款，湯飲落有麻香味，鴨血好滑溜，陽春麵爽口好味😋。小碗手工鲁肉飯配糖心蛋，附送前菜3款，只需要$38好抵食，魯肉半肥瘦鋪滿飯上，糖心蛋流心拌勻魯肉一齊食，好正好快就清晒。特選燒肉拼盤，有五花腩肉、黑毛豬、厚切牛舌同埋牛小排，特別喜歡黑毛豬同牛小排，豬油脂好甘香，肉質有咬口，牛小排牛味重，紋理分佈得平均，燒得熟度剛好，點埋附上的燒汁更好食，份量足夠2人食用☺️。奶蓋烏龍加仙草，大杯又解渴，老友則點左支青島啤酒🍻嘆下。