都爹利會館 (裝修中)

由於近排放寬限聚令，終於可以相約朋友出去聚餐。早幾個月已經聽過都爹利有個懷舊點心夜放題，改咗幾次預約，終於可以試吓米芝蓮一星餐廳的水準如何?！今晚都食咗各式各類的特色美食，蝦餃、燒賣必為招牌點心，叉燒餐包丶腐皮卷丶碗仔翅丶馬拉糕及蘿蔔糕味道都唔錯。鳳爪丶排骨丶牛肉丶鯪魚球丶韭菜豬紅丶蛋撻丶白糖糕丶綠豆沙及魚湯鮮竹卷都不過不失。但炸雲吞略嫌油咗啲，芝麻卷粉太厚，食落沒有任何味道。而鴨腳扎及雞包仔就點咗無嚟。餐廳環境坐得闊落清靜，但格局有啲似坐喺西餐廳內，品嘗中式的感覺。