龍點心 (Eastcore)

营业中

休息中

「龍點心」名字霸氣十足，觀塘Eastcore分店裝修有特色，走港式懷舊風，令人眼前一亮。佢主打懷舊點心嘅創新料理。好多都係傳統類別，但經過改良同用咗創意食材就演變成有創意又潮流嘅新式點心，攪攪新意思。脆脆富貴紅米腸粉 紅米漿做成腸粉皮勁飽滿，咬落十分脆，原黎中間系新鮮炸嘅蝦肉春卷，蝦肉彈牙新鮮，腸粉皮新鮮爽滑，口感層次豐富。賣相吸引，上面仲有邪惡沙律醬，仲配咗醬油、花生醬、酸辣醬，相當惹味。青森縣黑蒜帶子燒賣，創意十足，竟然系黑蒜同帶子，估唔到佢哋咁夾，黑蒜獨特嘅香味非常突出！加上帶子鮮滑的口感，好好味！松露野菌晶瑩餃藍紫色賣相好吸引，啖啖野菌十分滿足，散發出獨特嘅味道，新鮮熱辣，一籠四件，抵食。