荔香園冰室 (已結業)

今日終於唔使開OT，就走左落旺角睇下相機，順便食下野。呢次我去左間位置女人街入面嘅冰室，裡面都好多懷舊野，例如啲鐵閘，九龍皇帝字跡等等。去呢間冰室食野就好似穿越左時空咁，好有共鳴。呢間店除左懷舊野仲有好多特色食物，例如爆蛋芝士牛肉菠蘿包，芝士流心厚西多士等。不過今次我叫左安格斯牛肉爆蛋撈麵，同埋一杯凍檸茶。係野食未黎嘅時候，我就係度打下卡影下相，牆上面嘅畫基本上張張都可以影完放上ig都唔成問題，其中九龍皇帝嘅字跡就最吸引。撈麵黎啦，份量都算多，因為啲牛肉鋪到滿哂，同埋第一時間篤爆粒蛋同啲麵一齊撈，未食已經覺得好香，好視覺衝擊。食左第一啖，基本上停唔到口，因為碗底啲醬汁同啲麵好夾。當然唔少得杯凍檸茶，為呢個辛勞嘅下午舒緩一下。