影片
更多
2023-09-10
1368 浏览
#MC帶你去旺角小編就試咗依間裝修好有懷舊香港feel嘅雞煲火鍋店🎞️火鍋店以70年代舊有戲院作為主題📽️除左門口位落足心機佈置，入到店內都一樣貫徹懷舊風格。.✨ 90分鐘分鐘雞煲牛肩胛套餐 $298今次嗌咗中間價位試一試。食雞煲之前，會有兩款小食主動擺喺枱，炸燒賣、炸餐肉、鹽酥雞，食落正常，無油膩味，餐肉都幾厚身。✨ 自助區醬料同埋飲品都喺自助區，醬料款式唔算特別多，基本嘅蔥花、炸蒜、蒜蓉都齊；另外，多款飲品任飲，汽水🥤紙包裝茶🧃都有。🐣 雞煲可以揀辣度，由不辣，小辣去到大辣都有。上枱後，仲要煮多2分鐘，但已經聞到好大陣香菜、芫荽味🤤夠鐘後，職員會過嚟煮一煮、翻一翻啲雞件。醬汁偏濃稠和深色，令到雞件、豬皮、豆卜、都上曬色😈配埋紫洋蔥、芫茜，食落好香、好入味，不過食到尾嘅有少少咸得濟，如果嗌一碗白飯🍚撈汁食飯就一流😋🥢 打邊爐湯底嗌咗芫荽皮蛋+麻辣鴨血，鴛鴦鍋底就要加$28。芫荽比得超重手😱好似唔洗錢咁，反而皮蛋好似就得一隻！鐘意芫荽味嘅，依個鍋底必嗌！麻辣鴨血鍋嗌左大辣都無乜辣，似譚仔小辣咁🫢🥩 牛肉牛肩胛套餐就可以食牛肩胛、封門柳、牛板腱、黑毛豬。牛肉明顯係手切🔪十分有誠意！每一份牛肉
#MC帶你去旺角小編就試咗依間裝修好有懷舊香港feel嘅雞煲火鍋店🎞️火鍋店以70年代舊有戲院作為主題📽️除左門口位落足心機佈置，入到店內都一樣貫徹懷舊風格。
.
✨ 90分鐘分鐘雞煲牛肩胛套餐 $298
今次嗌咗中間價位試一試。食雞煲之前，會有兩款小食主動擺喺枱，炸燒賣、炸餐肉、鹽酥雞，食落正常，無油膩味，餐肉都幾厚身。
✨ 自助區
醬料同埋飲品都喺自助區，醬料款式唔算特別多，基本嘅蔥花、炸蒜、蒜蓉都齊；另外，多款飲品任飲，汽水🥤紙包裝茶🧃都有。
🐣 雞煲
可以揀辣度，由不辣，小辣去到大辣都有。上枱後，仲要煮多2分鐘，但已經聞到好大陣香菜、芫荽味🤤夠鐘後，職員會過嚟煮一煮、翻一翻啲雞件。醬汁偏濃稠和深色，令到雞件、豬皮、豆卜、都上曬色😈配埋紫洋蔥、芫茜，食落好香、好入味，不過食到尾嘅有少少咸得濟，如果嗌一碗白飯🍚撈汁食飯就一流😋
🥢 打邊爐
湯底嗌咗芫荽皮蛋+麻辣鴨血，鴛鴦鍋底就要加$28。芫荽比得超重手😱好似唔洗錢咁，反而皮蛋好似就得一隻！鐘意芫荽味嘅，依個鍋底必嗌！麻辣鴨血鍋嗌左大辣都無乜辣，似譚仔小辣咁🫢
🥩 牛肉
牛肩胛套餐就可以食牛肩胛、封門柳、牛板腱、黑毛豬。牛肉明顯係手切🔪十分有誠意！每一份牛肉上面都會列明要淥幾耐，十分貼心！黑毛豬就脂肪分佈幾平均，豬肉就要淥耐啲，所以就無列明要淥幾耐。
.
✨ 總結
冷氣十分充足💨即刻係大熱天時，打住邊爐都唔會覺得熱。裝修行懷舊香港風格，十分有格調。職員好nice，好好服務👍🏻
.
⭐整體︰7.5/10
⭐服務︰8.5/10
⭐環境︰8.0/10
⭐價錢︰7.0/10
.
==============================
📍 火水爐冰室火鍋（旺角）
地址：旺角煙廠街33號朗廷軒1樓
交通︰港鐵旺角站 E2 出口
==============================
.
#MC #Ming_Course #hkfoodie #foodiehk #hkfood #hkfoodblogger #hongkongfoodies #hongkongfoodie #hkfoodlover #hongkongfood #週末好去處 #拍拖好去處 #情侶好去處 #香港小店 #油尖旺區美食 #旺角美食 #旺角一日遊 #旺角好去處 #香港美食 #吃貨 #相機食先 #本地遊 #香港一日遊 #香港好去處 #旺角 #火水爐冰室火鍋 #雞煲 #打邊爐
张贴
