影片
更多
2025-07-25
0 浏览
在荔枝角這邊遠遠就見到個搶眼嘅戲棚裝飾，門口已經好有特色，入到去仲有幅好靚嘅龍鳳牆，成間店充滿住舊香港情懷，坐低即刻有種去咗傳統冰室嘅感覺。 花膠雞阿媽足料雞湯米線： 一上枱就聞到好香嘅雞湯味，湯底金黃色，明顯係用真材實料熬出嚟。最驚喜係入面嘅花膠，大大塊又厚身，咬落去彈牙得嚟又唔會太韌。雞湯飲得出係用雞殼慢慢熬，唔係現成貨，仲加咗枸杞提味，飲完成個人都暖笠笠。米線吸晒湯汁精華，每啖都夠晒滋味！增肌麻辣手撕雞： 呢道菜絕對係健身人士恩物，滿滿一碟都係手撕雞肉，蛋白質爆棚。雞肉沾上麻辣醬汁之後，入口先係微微嘅麻，之後辣味慢慢滲出，越食越過癮！芝士流心蝦多士配酸辣米線： 蝦多士即叫即炸，上枱時仲熱辣辣。一切開中間嘅芝士即刻流晒出嚟，蝦膠打得夠彈牙，外層炸得香脆。配搭嘅酸辣米線好開胃! 滑蛋沙爹牛肉飯： 沙爹牛肉切得大大片煮得嫩滑唔韌。沙爹汁調得好好，甜中帶少少麻，撈飯一流。米飯上蓋嘅滑蛋火候控制得好好，半生熟嘅狀態，蛋汁混合沙爹汁，每一啖飯都充滿層次！ 麻麻地豬扒： 雖然個名叫麻麻地，但其實一啲都唔差。豬扒大大塊，煎得外脆內嫩，肉質唔會太乾。調味簡單但夠入味，最驚喜係份量真係
花膠雞阿媽足料雞湯米線：
一上枱就聞到好香嘅雞湯味，湯底金黃色，明顯係用真材實料熬出嚟。最驚喜係入面嘅花膠，大大塊又厚身，咬落去彈牙得嚟又唔會太韌。雞湯飲得出係用雞殼慢慢熬，唔係現成貨，仲加咗枸杞提味，飲完成個人都暖笠笠。米線吸晒湯汁精華，每啖都夠晒滋味！
增肌麻辣手撕雞：
呢道菜絕對係健身人士恩物，滿滿一碟都係手撕雞肉，蛋白質爆棚。雞肉沾上麻辣醬汁之後，入口先係微微嘅麻，之後辣味慢慢滲出，越食越過癮！
芝士流心蝦多士配酸辣米線：
蝦多士即叫即炸，上枱時仲熱辣辣。一切開中間嘅芝士即刻流晒出嚟，蝦膠打得夠彈牙，外層炸得香脆。配搭嘅酸辣米線好開胃!
滑蛋沙爹牛肉飯：
沙爹牛肉切得大大片煮得嫩滑唔韌。沙爹汁調得好好，甜中帶少少麻，撈飯一流。米飯上蓋嘅滑蛋火候控制得好好，半生熟嘅狀態，蛋汁混合沙爹汁，每一啖飯都充滿層次！
麻麻地豬扒：
雖然個名叫麻麻地，但其實一啲都唔差。豬扒大大塊，煎得外脆內嫩，肉質唔會太乾。調味簡單但夠入味，最驚喜係份量真係好大，兩個人share都夠食。
椰汁紅豆冰：
紅豆煮得夠淋身，起晒沙但又保留到少少口感。椰汁味道濃郁，飲落好香甜！
雜果賓治：
懷舊感十足嘅飲品，入面有齊各種生果，甜度適中，飲落好清爽！
食物質素同份量都令人滿意，充滿特色嘅裝修，絕對值得encore ！
张贴
