影片
更多
2022-12-30
54 浏览
平時同朋友最鍾意發掘新餐廳，特別喜歡特色嘢，呢間餐廳新新地，朋友話個環境好懷舊，係香港舊式酒樓，食好嘢之餘仲可以打卡，一於做潮人搶先幫襯一入去去，見到成個佈置都係70年代舊香港嘅酒樓(我都係睇電影先知係咁架咋🙈)有留聲機，舊式圓枱摺櫈，古舊嘅牆磚，仲有以前細個成日見到嘅xx聯婚，有龍鳳佈景，真係處處都係精心佈置嘅打卡位😀呢度主打雞煲同打邊爐，緊係試招牌無骨鳳翼釀雞煲(細)，特別之處係成煲用哂無骨雞翼，入面釀咗墨魚滑，有少少紅蘿蔔絲，啖啖肉，雞肉多汁，墨魚夠濃味彈牙，加埋雞煲醬集甜辣於一身，勁惹味同食得好爽食完雞煲就加豬骨湯打邊爐，叫咗龍鳳呈祥海鮮拼盤兩人盛，有4款海鮮，蝦、扇貝、蜆、蟶子，雖然份量唔算多，但勝在新鮮，打邊爐最緊要食材新鮮嘛豬骨濃汁貢丸都值得一試，好彈牙一咬就咇汁，所以要小心唔好彈到隔離位，仲點咗即炸響鈴同安格斯牛肉，都冇令我哋失望，響鈴就咁食好香脆，放入湯兩秒即拎起，索咗湯汁又另一感覺。安格斯牛肉切得好薄，淥一淥就食得，牛味濃，好食自家制竹蔗茅根，食熱氣嘢都係飲啲下火飲品好啲🙈叫咗呢個竹蔗茅根，唔太甜又夠味，好飲餐廳除咗環境懷舊，仲會播返以前80年代啲舊歌，鍾意特色嘢嘅
一入去去，見到成個佈置都係70年代舊香港嘅酒樓(我都係睇電影先知係咁架咋🙈)有留聲機，舊式圓枱摺櫈，古舊嘅牆磚，仲有以前細個成日見到嘅xx聯婚，有龍鳳佈景，真係處處都係精心佈置嘅打卡位😀
呢度主打雞煲同打邊爐，緊係試招牌無骨鳳翼釀雞煲(細)，特別之處係成煲用哂無骨雞翼，入面釀咗墨魚滑，有少少紅蘿蔔絲，啖啖肉，雞肉多汁，墨魚夠濃味彈牙，加埋雞煲醬集甜辣於一身，勁惹味同食得好爽
食完雞煲就加豬骨湯打邊爐，叫咗龍鳳呈祥海鮮拼盤兩人盛，有4款海鮮，蝦、扇貝、蜆、蟶子，雖然份量唔算多，但勝在新鮮，打邊爐最緊要食材新鮮嘛
豬骨濃汁貢丸都值得一試，好彈牙一咬就咇汁，所以要小心唔好彈到隔離位，仲點咗即炸響鈴同安格斯牛肉，都冇令我哋失望，響鈴就咁食好香脆，放入湯兩秒即拎起，索咗湯汁又另一感覺。安格斯牛肉切得好薄，淥一淥就食得，牛味濃，好食
自家制竹蔗茅根，食熱氣嘢都係飲啲下火飲品好啲🙈叫咗呢個竹蔗茅根，唔太甜又夠味，好飲
餐廳除咗環境懷舊，仲會播返以前80年代啲舊歌，鍾意特色嘢嘅人一定要嚟試下👍🏻
张贴
