金鳳大餐廳 (山林道) (裝修中)

鋸扒有人選擇到高級餐廳食靚牛扒，但係唔少人會對港式鐵板餐有獨特情意結。鋸扒冇左治癒嘅「JarJar聲」，總係好似缺少左D野咁！今晚黎到位於尖沙咀山林道嘅金鳳大餐廳，一睇就知道呢度充滿住懷舊情懷。我地點左呢度嘅招牌菜美國極品牛小排($140) 牛小排厚度適中，足足有兩大塊咁多，份量超多！牛肉咬落口感軟熟唔會有根，配上香濃嘅蒜蓉味醬汁味道非常濃郁！另外點左金鳳貴族牛扒($168)伴碟嘅薯格同非常香脆惹味。食完一塊又一塊，停唔到口非常邪惡。牛油餐包剛剛烘好，上枱時熱辣辣，口感十分鬆軟，牛油一塗就溶。配埋忌廉湯一齊食，好香滑好軟熟。口渴時再飲啖凍奶茶，好滿足！