羅麥記 (青衣城1) (已結業)

第一次嚟青衣呢間餐廳食嘢，初初望落去，好似一間戲院咁，好得意好盞鬼，離遠望過去，個收銀處好似戲院賣飛嘅地方咁，裏面仲有一個全院滿座嘅霓虹光管，好有氣氛！好奇心驅使之下，馬上襟張飛攞位試吓啱啱佢哋開始有下午茶，於是我哋三個人，嗌咗兩個下午茶餐試吓好大隻夾仔，提你埋單要自己拎出去嗰個好似賣戲飛嘅地方。全院滿座，真係好多客人，我哋等左10分鐘先至有位。懷舊西多士，味道都OK，我問店員有冇煉奶，佢都好客氣即刻拎比我，服務唔錯。另外呢個豬頸肉公仔麵，我朋友就覺得乾乾地。下午茶平均＄50左右，坐得舒服，食物質素都可以啦！