老馮茶居 (大棠路)

营业中

休息中

又一間帶有中國懷舊風嘅餐廳， 今次呢間餐廳係一盅兩件-舊式茶樓，做嘅當然係懷舊嘢食嗱， 趁住今日得閒於是乎走去試下， 入到去佢裝修風格就好似入咗歷史博物館一樣好懷舊 ， 有舊式嘅情呀晾衫竹舊式嘅碌架床等等， 講番餐牌上嘅嘢食先，佢嘅價格大概由20元-48元左右+8蚊一位茶， 相比起街外嘅酒樓嘢食嘅價格相對貴少少，唔知佢個水準有點呢？ 今次我哋叫咗鵪春蛋燒賣，古法牛柏葉，豉汁豬腸 ，鳳爪，牛肉腸粉同埋黑椒牛仔骨蒸飯。鵪鶉蛋燒賣好有特色，係出面而家好少有機會食得到，但係佢嘅蝦食落去有啲鹹鹹哋嘅感覺，古法牛柏葉牛栢葉都算爽但係好似略淡咗啲， 豉汁豬腸係咁多樣嘢入面最好食嘅一個，味道啱啱好豬腸又夠爽， 嗰啲鳳爪嘅顏色比出面酒樓嘅顏色好似深咗啲， 以為佢好行但係其實係一啲味都冇， 蜂蜜桃肉腸粉都算幾大碟入面好多牛肉冇偷工減料但係個粉皮就好似林咗啲係咁好爽口， 至於個黑椒牛仔骨蒸飯嗰啲黑椒牛仔骨嘅味道完全食唔到有黑椒嘅味，個啲飯呢就好想好嬲埋啲豉油食就啱啱好喇， 不過嗰份量細咗啲40幾蚊其實有啲貴。總括嚟講呢間嘢，主要係食環境，嘢食就麻麻地，價錢都偏貴，如果想去食就諗清楚啦😁😁