影片
更多
2021-06-04
1432 浏览
餐廳：火水爐冰室火鍋 (旺角)地址：旺角煙廠街33號朗廷軒1樓一直想去呢間火水爐好耐😍，每次經過門口都會比佢嘅懷舊香港特色同音樂吸引咗🇭🇰，今次就約咗朋友去打邊爐，叫咗個安格斯牛小排花膠火鍋任食放題套餐，星期一至四做緊85折，計埋醬油同加一服務費，承惠每人$327💁🏻♂️任食時間得90分鐘，食兩輪就差唔多夠鐘，不過都幾飽肚，我哋叫嘅呢個套餐可以喺八大花膠湯底入面揀一款，所有湯底都喺餐廳自己足料熬製，而我哋就揀咗濃厚花膠雞湯鍋，主要材料有兩塊大花膠同半隻雞🐓，打邊爐之前仲可以飲返碗湯滋補吓，又真係幾鮮味濃郁👍呢個set包咗5款靚肉，有安格斯牛小排、特選牛頸脊、穀飼牛板腱、美國肥牛同黑毛豬，唔知你又鍾意食邊一款呢🐮？肉質都幾新鮮，顏色鮮紅，脂肪紋理清晰可見，唔會有雪種味或者變咗黑紫色嘅霉肉，相信餐廳喺選材同處理豬牛肉方面都落咗唔少功夫😋可以揀嘅免費食物有超過六十款，另外有八款任飲飲品，大多數食物都喺普遍見到嘅火鍋配料，無太大驚喜，海鮮同特飲都要另外加錢；另一方面就唔多見有甜品，得一款要加$48嘅紅豆刨冰🍧，不過主打懷舊風嘅火水爐就有任食嘅炸燒賣同陳皮魚蛋，唔知呢兩款小食又吸唔吸引到你呢😎？
地址：旺角煙廠街33號朗廷軒1樓
一直想去呢間火水爐好耐😍，每次經過門口都會比佢嘅懷舊香港特色同音樂吸引咗🇭🇰，今次就約咗朋友去打邊爐，
叫咗個安格斯牛小排花膠火鍋任食放題套餐，星期一至四做緊85折，計埋醬油同加一服務費，承惠每人$327💁🏻♂️
任食時間得90分鐘，食兩輪就差唔多夠鐘，不過都幾飽肚，我哋叫嘅呢個套餐可以喺八大花膠湯底入面揀一款，所有湯底都喺餐廳自己足料熬製，
而我哋就揀咗濃厚花膠雞湯鍋，主要材料有兩塊大花膠同半隻雞🐓，打邊爐之前仲可以飲返碗湯滋補吓，又真係幾鮮味濃郁👍
呢個set包咗5款靚肉，有安格斯牛小排、特選牛頸脊、穀飼牛板腱、美國肥牛同黑毛豬，唔知你又鍾意食邊一款呢🐮？
肉質都幾新鮮，顏色鮮紅，
脂肪紋理清晰可見，唔會有雪種味或者變咗黑紫色嘅霉肉，相信餐廳喺選材同處理豬牛肉方面都落咗唔少功夫😋
可以揀嘅免費食物有超過六十款，另外有八款任飲飲品，大多數食物都喺普遍見到嘅火鍋配料，無太大驚喜，海鮮同特飲都要另外加錢；另一方面就唔多見有甜品，得一款要加$48嘅紅豆刨冰🍧，
不過主打懷舊風嘅火水爐就有任食嘅炸燒賣同陳皮魚蛋，唔知呢兩款小食又吸唔吸引到你呢😎？
火鍋質素正常發揮，不過鍾意60-70年代香港懷舊feel嘅你就一定唔可以錯過🤗
张贴
