老荔冰室

营业中

休息中

今日去長沙灣食嘢，見到呢間好特別嘅冰室，門口嘅裝飾除咗係好懷舊嘅霓虹燈之外，上面嘅數字同文字都係一啲茶餐廳嘅術語！你又到底識幾多個呢？嚟都咁特別嘅餐廳，當然要叫啲特別啲嘅嘢食啦，主打嘅沙嗲牛肉芝士熱香餅漢堡同金沙朱古力流心西多士真係必食😎沙嗲牛肉芝士熱香餅漢堡真係好正！熱香餅又香又軟，牛肉又香又嫩，再加上濃郁嘅沙嗲味，簡直係完美嘅組合！咬落去，口感層次豐富，而且味道好夾，真係一試難忘！ 至於個金沙朱古力流心西多士真係好邪惡！外層金黃香脆，內裡充滿住香濃嘅朱古力醬，一咬落去，朱古力醬就流晒出嚟，簡直係幸福爆棚！個人大推茄汁西炒飯配炸雞脾及炒蛋，呢個茄汁西炒飯真係好正宗！係以前大排檔嘅味道👅炒飯粒粒分明，茄汁酸酸甜甜，加上香脆嘅炸雞脾同滑蛋，真係好滿足！份量都幾多，夠晒飽肚！飲品方便叫咗個阿華田脆脆火山阿華田味好濃郁，脆脆嘅口感又好正，而且個火山造型真係好得意！