樓上大排檔

营业中

休息中

懷舊風之《樓上大排檔》灣仔懷舊風之《樓上大排檔》，裝修十分懷舊，有港式大排檔感覺，同夜場feel，不過唯一唔同係舒適乾淨，冷氣充足，菜牌好多選擇，餐廳有打卡位，就連廁所都特別過人XD，餐廳係由喜記炒蟹前總廚主理，主打係避風塘菜式，鑊氣十足，古法炒蜆 $128：蜆肉夠粒，十分鮮甜，入口無沙，大粒過平時嘅花甲一倍有多，加咗九層塔香味道特別，有d泰式風feel，唔算太辣，椒鹽粟米 $58：呢個真心好食，粟米超甜，加埋少少椒鹽香蒜，令人食完一舊再一舊，黑椒蔥爆安格斯牛柳粒 $168：牛柳粒肉質夠淋，唔會炒得過老、伴菜既紅黃都好新鮮鮮甜，蔥食落都好香，蒜蓉菜心 $80：蒜蓉夠香，菜心夠甜，黑蒜蝦仁炒飯 $108：黑蒜帶少微甜，飯炒到金黃色，粒粒分明，入口甘香，好食，平時唔多食飯既我都食左3碗飯，食完飯原來仲有番薯糖水送，香甜又好味，整體來講，菜式夠鑊氣，有大排檔特色，樓面服務友善，地方環境乾淨企理，價錢唔貴。