食得好

营业中

休息中

一大班朋友聚餐食中餐就最好不过一行14人一张圆台坐哂拉近距离!好友之前试过呢间顺德私房菜话唔错，仲话呢度以前唔开放既，系某富豪招呼亲友好友既地方~所以我地都赞成试吓 ~ Book定张大台仲先订定啲菜式~  先嚟顺德三宝:有蟹多士、金钱鸡、自家制鲮鱼球。蟹多士卖相精致，用蟹肉酿多士上面再放上烧卖皮,食落去系三层口感，松松脆脆够香口，中间仲有阵阵蟹香。金钱鸡真系第一次试，虽叫金钱鸡，但其实由猪肉、鸡肝、冰肉(猪肥膏)做成。鸡肝略带甘香，薄薄既猪肥膏沾满酱料，惹味非常，一口咬落去已经唔理肥唔肥，好味就得啦🤭古早锦卤云吞， 呢道菜好多时外出食饭都会点，因为亚妈中意食~不过好多时锦卤汁嘅材料越黎越少，喺呢度就有返小时候既味道~锦卤汁既材料有鱿鱼、猪膶、虾、菠萝、三色椒、洋葱~超足料! 酸甜度适中，点咁香脆既炸云吞一流自家制鲮鱼球　鲜味香口，加埋蚬蚧酱，味道更突出～　上八珍扒大鸭 呢个又系功夫菜，先预订既~ 人多真系要试吓! 店长介绍呢度菜先将大鸭上色， 然后炸至金黄色，去骨， 再将花胶、冬菇、带子等炆煮,然后一齐蒸，最后加芡汁~  虽然身边既女仔朋友都话怕肥只系试左少少鸭, 不过我反而好中意,鸭