影片
更多
2025-08-11
160 浏览
就算係酒店中菜，一樣可以賣懷舊…今次收工嚟到六國酒店食飯，見到佢而家做緊個”一九三三 流金歲月情懷套餐”，晚市每位只係$428，就食到酒店當年嘅懷舊粵菜，回到昔日嘅老香江。呢個餐一共有六道菜，原本以為有機會唔夠食，結果飽到頂住。蜜汁叉燒酒店中菜出品，必然係用最腍嘅叉燒梅肉，加上唔會搶佢叉燒味道嘅蜜汁。佢最勁嘅係啲海蜇，黐咗啲蜜汁更加好食。煎大蝦碌連蝦頭都有好多肉同膏嘅煎大蝦碌，加上冰凍車厘茄，互相映襯。上湯魚肚同行朋友非常欣賞嘅菜式。呢個湯除咗有懷舊嘅味道，佢本身嘅用料充足，亦冇故意用太名貴嘅食材。魚肚好大塊，加埋瑤柱、金華火腿等，好明顯個湯就係嚟自食材嘅味道。雙鳳朝陽雙鳳即係乳鴿同雞柳。呢個汁到底係點整我都唔知，不過真係好濃烈，甜酸鹹兼備，襯上味道較中性嘅乳鴿同雞柳都係好夾。蟹扒菜苗菜苗都冇咩好講啦？錯了，佢嘅蟹扒成份好多，係一嚿嚿而唔係一絲絲，所以呢度表面好light嘅菜式，食完都係好full好滿足。羅漢齋麵齋麵有咩好講？呢個最錯，因為羅漢齋脆麵其實係好傳統嘅齋菜，加少少醋，連同本來嘅醬汁，將個本來好脆嘅面底，大幅地提升。當然佢嘅配菜亦豐富。甜品原來呢個餐有甜品，仲要幾特別。包括腐
今次收工嚟到六國酒店食飯，見到佢而家做緊個”一九三三 流金歲月情懷套餐”，晚市每位只係$428，就食到酒店當年嘅懷舊粵菜，回到昔日嘅老香江。呢個餐一共有六道菜，原本以為有機會唔夠食，結果飽到頂住。
蜜汁叉燒
酒店中菜出品，必然係用最腍嘅叉燒梅肉，加上唔會搶佢叉燒味道嘅蜜汁。佢最勁嘅係啲海蜇，黐咗啲蜜汁更加好食。
煎大蝦碌
連蝦頭都有好多肉同膏嘅煎大蝦碌，加上冰凍車厘茄，互相映襯。
上湯魚肚
同行朋友非常欣賞嘅菜式。呢個湯除咗有懷舊嘅味道，佢本身嘅用料充足，亦冇故意用太名貴嘅食材。魚肚好大塊，加埋瑤柱、金華火腿等，好明顯個湯就係嚟自食材嘅味道。
雙鳳朝陽
雙鳳即係乳鴿同雞柳。呢個汁到底係點整我都唔知，不過真係好濃烈，甜酸鹹兼備，襯上味道較中性嘅乳鴿同雞柳都係好夾。
蟹扒菜苗
菜苗都冇咩好講啦？錯了，佢嘅蟹扒成份好多，係一嚿嚿而唔係一絲絲，所以呢度表面好light嘅菜式，食完都係好full好滿足。
羅漢齋麵
齋麵有咩好講？呢個最錯，因為羅漢齋脆麵其實係好傳統嘅齋菜，加少少醋，連同本來嘅醬汁，將個本來好脆嘅面底，大幅地提升。當然佢嘅配菜亦豐富。
甜品
原來呢個餐有甜品，仲要幾特別。包括腐竹糖水西米露同桂花糕。腐竹糖水同西米露呢個組合係幾新鮮，食落熱辣辣又夠甜。桂花糕嘅杞子味非常豐富，而且唔會一夾就散，做得相當好。
好欣賞呢個懷舊又好balanced嘅菜單，充分顯示粵菜嘅特色。襯埋一壺龍井茶先生😌，可以以呢個價錢品嚐都酒店中菜，都算係物有所值。
张贴
