香江花月 (利舞臺廣場) (已結業)

講到懷舊邊爐，一定會提起佢，第一間佐敦店已經慕名而來。當時，除咗令人深刻的懷舊佈置，仿team lab既打卡房，仲有多到要圍住火鍋食既牛肉拼盤。銅鑼灣店一樣有悉心佈置，充滿懷舊氣氛。特別有一個波波射燈既房間，打咭一流。晚市超值二人套餐 $288如果兩個人入嚟食，牛肉拼盤可能會嫌多，呢個二人餐就夠做，而且價錢無得輸。首先，湯底可揀鴛鴦鍋，菇菌清湯鍋配四川麻辣鍋，一個清；一個辣，兩者互補。兩碟靚特選牛肉，灼一灼肉嫩好食。午餐肉粟米餃非常飽滿，口感實在。日本烏冬幼身滑口，蟹籽墨魚丸夠晒彈牙，中山脆骨腩新鮮爽脆。仲有芝士腸，時令蔬菜同台灣鴨血，真係包羅萬有。總體計有湯底，有魚有牛肉，仲有丸菜餃烏冬，包埋咁靚既餐廳環境，性價比高。