火水爐花膠館 (已結業)

之前好多明星都去食嘅火水爐火鍋館 竟然喺屯門新城市廣場都開咗分店 叫做火水爐花膠館新界人嘅我梗係要去食下 同班朋友gathering平日夜晚嚟到人太多 唔使等位 枱櫈用咗好多大排檔嘅木摺枱好有特色 而且仲加咗好多霓虹燈做裝飾 仲有舊時嘅電影海報 非常有設計感 不過環境音樂有啲大聲 傾計太方便呢度係先食雞煲 然後再打邊爐雞煲 係即叫即煮 等咗一陣先有得食 食之前仲有小食炸燒賣可以食雞煲雖然係少辣 但係都夠味 雞件非常滑溜 而且好惹味 重口味嘅人一定鍾意食 煲入面仲有少量花膠同豬皮 同樣索曬雞汁嘅味道之後就可以轉煲打邊爐 我哋揀咗沙嗲湯底 超級無敵濃郁 好似食緊串燒沙嗲汁咁 但濃味得黎係好食嘅海鮮拼盤有墨魚滑 鮮海蝦 大大隻嘅巨型生蠔 等等 全部都夠新鮮 用嚟打邊爐一流 不過配上沙嗲汁唔係太夾