粵廚點心專門店‧椰子雞煲專賣店

营业中

休息中

以前最愛假日朝早去酒樓食點心，但而家反而多數假日就用黎休息，所以少咗去酒樓飲茶，好在現在開了不少點心專門店，而且水準亦非常不錯！今晚突然好想食點心，就決定跟老公四周圍找找點心店吃個痛快先。近油麻地C出口附近有一間點心專門店，店內裝潢好有新派與懷舊crossover感覺 , 內裏味道充滿兒時舊式酒樓香味，好懷念呀！點心選擇非常多，而且亦有多款懷舊與新派點心，附近屬於遊客區，所以亦有供應廣式燒味。雜菌素腸粉用上雜菌紅蘿蔔做餡料，味道清新，餡料香甜美味，腸粉外皮滑溜溜，米味十足，又可以減少食肉，健康之選！鮮蝦菜苗餃外皮晶瑩剔透，餡料菜苗色澤翠綠，入口軟嫩入味，菜苗鮮甜蝦肉爽口彈牙，好正呀！黑松露鳳眼餃半透明嘅外皮包住大大粒嘅原粒蝦肉，上面放上蟹籽，黑松露醬,味道爽嫩鮮味，而黑松露味又不太嗆味，配搭非常好。滋補藥膳鳳爪一上枱已經聞到濃濃的人參當歸味道，湯頭清甜回甘，鳳爪煮到軟嫩入味，滋補一流。鳳爪排骨飯兒時最愛食呢款盅頭飯，排骨肉嫩多汁，肉汁滲透哂落飯面，好好食又滋味。店家每款點心都份量十足，價錢又唔太貴，味道又好，可以下次帶屋企試下。