蓮香棧 (已結業)

新一年心血來潮想飲茶。本來在網上拿了美💕酒樓飛，但要等成三百幾張枱，平日等一小至兩時多已差不多有枱，今天等了大半小時仍無望在二時前坐下，我們惟有轉場去新開的蓮香試吓。原來這𥚃要自己等位，不派飛。雖然坐無虛席，但我們等了半小時便可坐下。我們坐在水壺旁似乎相對沒有坐在中間嘈吵。坐下來呀姐問我要茶壼或茶盅，唔知茶中係乜嘢所以叫咗茶盅。原來茶中就係舊式嘅大茶杯。阿姐純熟地幫我地洗去第一泡茶，接着有比多一壺滾水我加在茶盅，十分滿意！最新奇嘅仲有一大個玻璃碗係枱下應該比你斟茶嘅時候不要打瀉。令一樣新奇嘅嘢就係要自己周圍去點心車搜羅嘢食，點心車阿姐不斷叫嚷有什麼點心，今天沒有叉燒包還沒有牛柏葉和魷魚🦑，有點可惜！我哋點左奶黃包、牛肉腸粉、春卷、鮮蝦餃和鹹水角（最後一碟）。鹹水角充滿餡料、牛肉腸粉有足料牛肉、春卷類竟然可以食到一隻蝦😋。忽然令我諗起以前細個食嘅點心真係10分足料！