小神燈新派飯館 (已結業)

將軍澳食鑊氣海鮮、撚手小菜, 晚飯嚟到調景嶺站 小神燈。經典港式懷舊裝修, 仲有特色卡位, 啱曬打卡, 最好提早預訂。

爆膏奶油蝦
大頭蝦隻隻爆高肉質好爽口, 濃郁奶香有淡淡牛油味 甜甜地食到停唔到口！

椒鹽瀬尿蝦
夠曬鑊氣, 好有大排擋風味, 瀨尿蝦新鮮椒鹽煮就最啱, 鋪滿炸蒜香口惹味！

沙薑焗海花螺
辣酒煮花螺食得多, 沙薑焗又做得唔錯喎, 一個辣味以外的選擇！花螺煙韌有嚼咬口, 配沙薑鮮味好突出！

金沙鬼馬百花釀油條
油條釀滿蝦膠炸到金黃色, 脆卜卜香口惹味, 送酒必點！

菜膽雞（半隻）
湯汁好清甜, 雞肉肥美嫩滑, 灑滿金華火腿粒食落鹹鹹地又幾夾！

紅豆沙
足料有沙有豆食到陳皮味, 飯後甜品大滿足！