糕點時光 (已結業)

西環最近開左間社企糕點店，叫糕點時光，主力推出動物造型茶粿、髒髒糯米糍、流心芝麻卷等，將懷舊糕點年輕化，踢走老土形象🤣佢地糕點每日由金齡婦女親手製造，同時採用Nativa甜菊糖，100%天然零卡路里，相當健康🥰流心芝麻卷｜$20夾個時已經聞到好香🤤除左鋪上黑白芝麻粒，仲插上一枝流心芝麻醬！卷皮好爽彈，咬到中間就食到好濃郁芝麻味，口感勁豐富手工糯米糍｜$20有好多款味道🤩今次買左髒髒朱古力曲奇、黑芝麻、椰絲芋泥（限定）、焙茶栗子（限定），每一款都好足料同好重手，特別係栗子口味好似食緊栗子蓉一樣😋仲有粒粒口感，不過外皮唔算好軟糯同煙韌，偏向似茶果皮帶點實淨，但餡料十足懷舊小食｜$30有古法花生糖、牛耳餅、芝麻糖、龍鬚糖等，呢d都係買少見少🙁除左單買仲可以買禮盒裝，送禮都不錯👍🏻