雲吞仔 (已結業)

今晚行過太子，經過一間好有香港特色嘅粉麵舖，叫雲吞仔。入到去，好多香港以前嘅舊相，令人有種好懷念嘅感覺，跟住坐低睇餐牌，我就揀咗個「包羅萬有」餐，佢係可以品嘗曬店內所有嘅餸，吾洗好耐就有得食啦！好大碗！！一共12樣餸，每一樣餸都好好味大大舊，例如墨魚丸好彈牙，牛丸有牛肉鮮味，雲吞人手包，皮薄餡靚！！牛筋彈牙！！牛腩唔韌口感鬆軟，仲有紫菜，豬肉丸，貢丸，魚皮餃，鯪魚球，魚蛋同魚片 ！！總之每樣餸都好好味！！ 另外揀左幼面，好彈牙，豆漿都好有豆味！！唔似一般好似溝水咁！整體嚟講都好好味！好抵食！