上海榮華川菜館

营业中

休息中

今日特登揸車去觀塘食呢間隱世米芝蓮嘅懷舊上海菜，佢門口店面細細，裝修都充滿懷舊嘅傳統，好有歷史，座位唔算特別多，我哋夜晚八點度都見到好多人喺入邊食。我哋特登叫咗二人餐，有兩餸一湯，再有八寶茶同兩碗白飯。煮食要咗紅燒獅子頭同埋九王鱔糊。獅子頭好巨型有兩大粒，肉質唔會鬆散咬落去充滿肉汁，配白飯送飯一流。今時今日難得搵到一間上海鋪有得食 仲有冬菇伴碟 咬落去口感一流！個湯要咗砂鍋雲吞雞，分量超多入邊有大大粒雲吞，雞湯濃郁，夠晒真材實料，雞肉配件超多，啖啖肉，用上砂鍋保持熱度。而九王鱔糊又係另一招牌菜式，鱔肉無骨，肉質結實，口感爽口彈牙，配炒韮菜味道好夾 夠濃 好食！招牌八寶茶好特別，夠晒傳統獨一無二，由紅棗﹑杞子﹑菊花﹑蓮子芯﹑桔皮等等調配而成，望落去色彩繽紛飲落去夠清甜。