大榮華酒樓

营业中

休息中

之前來過一次, 咁啱女朋友想入元朗, 當然就想試試, 我早到, 因此先去攞位!一早知道這裡是舊式酒樓的規矩, 自己「企定定」等位, 這令我回想起小時候跟家人飲茶的情景呢!好不回味!不過可能習慣了輪籌的方式, 進去了竟有一點不知所措, 要知道有些街坊一個人可能等緊附近幾張枱, 到你企埋其中一張, 他又一聲一响, 到人家離席, 你以為有位之時, 他又會說他先等......好不容易找到一張枱在角位, 又剛好沒人在等, 等了若半小時左右, 終於有位了!我們兩個人, 而那是四人枱, 預咗有人搭枱!我和女朋友叫了煎腸粉, 蒸鮮魷, 馬拉糕, 燒賣, 蝦餃等等。煎腸粉很滑, 配合醬料很不錯, 蒸鮮魷很入味, 燒賣亦很高水準, 反而蝦餃只算中等, 而馬拉糕則很香甜, 很鬆軟, 屬必吃之選!雖然這裡要自己等位, 又有搭枱, 價錢亦比一般的高一點, 但食物質素高, 各位入元朗的朋友絕對可以一試!這裡的食物固然令人滿意, 懷舊的飲茶感覺更令我回味呢!