蓮香居 (已結業)

懷舊特色，兒時回憶 🍵🥢自己搵位，有點心車，印仔計點心，特別點心，真係好似以前阿爸帶我地去飲茶咁，仲要門口隔離有報紙檔仔。金錢雞🐖🥓🐔叉燒、肥肉、雞肝夾埋黎食，甜甜地又油香又濃郁肝甘香沙翁鬆鬆軟軟，香甜可口，好多砂糖，好正，口感輕盈唔膩焗蓮蓉西米🥣已經好少見，一碗兩份食就剛好，甜香滑，熱辣辣真係好正，只係食完有點膩炸芋頭酥🧆好酥香脆口，入口即化不油膩，餡料濕潤芋蓉好香菠蘿叉燒包🍍🐖🍞咸甜咸甜，有菠蘿包脆香鬆軟，有叉燒咸甜惹味蝦餃細細粒，但餡料有汁又滑溜，蝦味重，少肥豬肉。蝦腸腸粉好滑好薄，餡料偏少，每條2隻蝦仁，不過腸粉好味。煎蘿蔔糕係即場煎熱架，以前茶樓先有，會有 阿姐 即場煎熱野食，有釀青椒、煎糕、煎薄罉……熱辣辣好香口，加甜醬或辣醬都好味。