影片
更多
2023-04-22
111 浏览
懷舊特色嘅九龍城火鍋店突然之間好想去打邊爐，即刻諗起九龍城嘅沙嗲湯底、手切本地牛肉，即刻上網睇吓邊間多人推介，發現唔少網民都推介呢一間。舖頭以懷舊香港為主題，無論係擺設、雅座、播放既歌曲都好有老香港既味道。成間舖頭嘅空間都10分舒適同闊落。值得一提既係店員服務態度好好，一坐底就有人幫你用熱水洗餐具，混醬配料亦都第一時間送上。湯底唔使問啦，一定就係揀沙嗲湯底㗎啦，沙嗲味濃郁、浮面都有唔少花生同埋芝麻👍👍。肉類就揀咗本地嘅手切牛肉，同埋羊肉片。牛肉果然好食，配上沙嗲湯底真係一流🤤🤤。配菜方面，點可以唔叫同沙嗲湯底絕配嘅金菇呢？除此之外，仲叫咗蘿蔔同皇帝菜，都係吸汁力十足既配料🤘🏻🤘🏻。特別推介，呢間既響鈴真係即叫即炸🎉，上台後輕輕一淥，響鈴心都仲係剛剛炸起熱辣辣嘅口感。店員仲為我哋準備咗酸甜汁，可以有唔同食法，嚟到一定要試👍。望一望個餐牌，原來呢間火鍋店都有不少餐前小食都可以叫，今次就順手叫埋椒鹽豆腐，豆腐好滑，炸蒜亦好多，送酒一流。最後，食飽飽之後餐廳亦都送左啫喱做甜品🍮真係好懷舊丫好耐冇食啦🥹🥹。最最最過癮係一條雷沙錦鯉，好睇得呢又好食🤤大量既花生芝麻碎真係好正😊。整體來講，呢間小店值
突然之間好想去打邊爐，即刻諗起九龍城嘅沙嗲湯底、手切本地牛肉，即刻上網睇吓邊間多人推介，發現唔少網民都推介呢一間。
舖頭以懷舊香港為主題，無論係擺設、雅座、播放既歌曲都好有老香港既味道。成間舖頭嘅空間都10分舒適同闊落。值得一提既係店員服務態度好好，一坐底就有人幫你用熱水洗餐具，混醬配料亦都第一時間送上。
湯底唔使問啦，一定就係揀沙嗲湯底㗎啦，沙嗲味濃郁、浮面都有唔少花生同埋芝麻👍👍。
肉類就揀咗本地嘅手切牛肉，同埋羊肉片。牛肉果然好食，配上沙嗲湯底真係一流🤤🤤。
配菜方面，點可以唔叫同沙嗲湯底絕配嘅金菇呢？除此之外，仲叫咗蘿蔔同皇帝菜，都係吸汁力十足既配料🤘🏻🤘🏻。
特別推介，呢間既響鈴真係即叫即炸🎉，上台後輕輕一淥，響鈴心都仲係剛剛炸起熱辣辣嘅口感。店員仲為我哋準備咗酸甜汁，可以有唔同食法，嚟到一定要試👍。
望一望個餐牌，原來呢間火鍋店都有不少餐前小食都可以叫，今次就順手叫埋椒鹽豆腐，豆腐好滑，炸蒜亦好多，送酒一流。
最後，食飽飽之後餐廳亦都送左啫喱做甜品🍮真係好懷舊丫好耐冇食啦🥹🥹。最最最過癮係一條雷沙錦鯉，好睇得呢又好食🤤大量既花生芝麻碎真係好正😊。
整體來講，呢間小店值得再次幫襯，店內設計有心機、食物質素高、店員服務態度好，睇下下次試埋其他菜式先。
张贴
