樓下冰室 (已結業)

香港有好多唔同地方都有好多特色冰室，有啲價錢好平，但係有啲就好貴，其實樓下冰室已經聽過好多次，但係都未試過，所以今晚收工就同女朋友黎試下。入到去有啲裝修都幾懷舊同幾特別，雖然我自己年紀唔係好大，但係都勾起左唔少嘅回憶，尤其是上面呢一幅圖，我記得當年我都有去荔園玩過，都係咁樣掟磚仔贏香口膠。原來呢度出名嘅係蕃茄通粉同瑞士雞翼，所以我哋就點都要試吓招牌菜，叫咗個滑蛋番茄通，佢可以揀辣或者唔辣如果辣就分為大中小，佢哋強調嘅係不含味精，我飲落去好鮮甜個湯底，啲通粉硬度適中唔會太淋，二啲蛋好滑好好味。之後叫咗個芝士焗西蘭花，佢啲芝士係面頭焗完拎出嚟熱辣辣，好好味，佢加上白汁同埋芝士一齊混和係啲西蘭花入邊，每一啖都咬住好濃嘅芝士，芝士控嚟到必食。最後梗係要試吓佢哋嘅招牌瑞士雞翼，佢個質料好甜，雞翼好淋，同埋啲雞肉好嫩滑，平時食雞翼好多時候都會黐住啲牙，佢呢啲唔會咁樣，啖啖肉好好味。