叁不館

营业中

休息中

突如其來既颱風假期，即刻諗可以食餐好，唔洗就住第二日返工既地方🤔最近鐘意係天后搵食，因為人流較小最重要無限時，而且交通其實都好方便，位置係金輪天地，距離天后港鐵站只係幾分鐘路程👍打開電梯門即時好似入左時光隧道，去左舊式大排檔，好多香港人懷念而又有氣氛既食店，裝修真係落左唔小心機，圓枱木椅餐牌各款用具都配合大牌檔主題，細心顧及人客提供多層滕籃擺放隨身物，餐牌都好有心思，有好多有意思金句。有幸被按排坐獨立房，聽講如要預訂包房需七至八人起，最底消費三千幾。三角大玻璃窗感覺更闊落，而且仲望到小小維港景，賭枱設計更地道感，店員亦好有禮貌每樣細節都介紹好清楚，每款肉質更形容得好仔細，聽完好清晰好快已經可以下單。多款醬料撰擇，最欣賞自家製沙茶醬同蒜油👍👍香茜皮蛋湯湯底足料味道濃，除主要食材仲有淮山馬蹄，未打邊爐已飲左一大碗牛魔王拼盤可以一次過試到六款牛肉，最鐘意手切封門柳，油脂肉味平均，亦係店員推介之一海鮮雙拼(蟶子鮑魚)本身一款有四隻，最好可以同價既可以雙拼，適合兩口子的我們海中蝦滑足料有部份完整蝦肉粒好有口感，爽脆彈牙。離開時經過大廳，見到好多一大班人食得好開心，高杯暢飲，可能環境帶動又有空曠感