影片
更多
2019-01-03
123 浏览
今日約左朋友出旺角食飯，友人想打邊爐，於是我就係openrice 睇下邊到有啲特別嘅邊爐，search 下發現呢間食評都唔差，仲要環境夠哂特別，好岩鍾意懷舊設計的朋友，於是二話不說就揀左呢間～未上到去，樓下嘅裝修氣氛就已經有濃濃嘅懷舊味道，像返回50－60年代一樣，係鬧市中有這樣的設計真係別有一番風味！上到去仲好有驚喜，佈置到好有舊香港嘅感覺！上到去，今日好full ，好多客人，所以要等一陣先有位坐。安格斯海鮮火鍋任食套餐 $259
職員同我地介紹＄259安格斯海鮮火鍋任食套餐，會先來一個雞煲，之後食完就可以打邊爐！都會有醬料提供，俾客人揀自己岩嘅混醬，但我覺得如果個湯底出色，根本就唔需要醬料了！之後職員就俾左餐前小食我地，竟然有餐前小食，當然冇得任食，有炸魚蛋，炸燒賣，黎個陣仲係熱辣辣架，係即時炸，魚旦好彈牙，燒賣就正正常常！雞煲叫了BB辣，職員上雞煲嘅同時會俾埋個timer，同我地講5分鐘之後就可以食，就夠5分鐘，職員好好黎幫我地撈一撈個雞煲，咁就唔洗「痴底」！開動啦！開動啦！熱辣辣嘅雞煲，雞煲醬汁都幾濃郁，偏向重麻辣味，雞肉好入味，仲幾嫰滑，最要係大大嚿花
未上到去，樓下嘅裝修氣氛就已經有濃濃嘅懷舊味道，像返回50－60年代一樣，係鬧市中有這樣的設計真係別有一番風味！上到去仲好有驚喜，佈置到好有舊香港嘅感覺！上到去，今日好full ，好多客人，所以要等一陣先有位坐。
安格斯海鮮火鍋任食套餐 $259 職員同我地介紹＄259安格斯海鮮火鍋任食套餐，會先來一個雞煲，之後食完就可以打邊爐！都會有醬料提供，俾客人揀自己岩嘅混醬，但我覺得如果個湯底出色，根本就唔需要醬料了！
之後職員就俾左餐前小食我地，竟然有餐前小食，當然冇得任食，有炸魚蛋，炸燒賣，黎個陣仲係熱辣辣架，係即時炸，魚旦好彈牙，燒賣就正正常常！
雞煲叫了BB辣，職員上雞煲嘅同時會俾埋個timer，同我地講5分鐘之後就可以食，就夠5分鐘，職員好好黎幫我地撈一撈個雞煲，咁就唔洗「痴底」！
開動啦！開動啦！熱辣辣嘅雞煲，雞煲醬汁都幾濃郁，偏向重麻辣味，雞肉好入味，仲幾嫰滑，最要係大大嚿花膠勁吸汁勁正，仲要有豆卜，又係勁吸汁，超好味！
職員見我地差唔多食完個雞煲，就黎幫我地裝起雞煲入面仲有啲嘅配料！就係上面張圖！初初有啲擔心職員會直接倒啲沙嗲湯入去，但係職員冇咁做，而係換了第2個煲！！！勁抵讚，因為之前係出面食過幾間雞煲都係直接加湯，愈食愈肥，而且啲雞油會「瓊」住左，搞到個鍋愈黎愈結！所以呢點真係好欣賞！
四款金牌鍋底，我地就叫左沙嗲湯，食得出唔係一般開醬料包的味道，因為有時係屋企自己打邊爐都會買醬料包，呢到唔係，叫沙嗲湯一啲都冇伏！
雖然係任點任食，但食物種類都好夠，有安格斯牛小排，美國珍寶肥牛，黑毛豬片，全部任食！岩哂各位食肉獸！呢到嘅肉一望色澤就好新鮮，叫了牛小排及黑毛豬片，兩樣都好食，唔會好韌，口感一流！
而其他火鍋配料，提供大量新鮮蔬菜、手包餃、丸類、多款汽水、麵、都任叫，相當抵食！叫了生菜、娃娃菜，好新鮮；粟米超甜；蜂巢豆腐吸湯後好入味，喜歡蜂巢豆腐的口感；丸類好彈牙！
呢度嘅食材好新鮮，而配料就因應人數份量而定，我哋兩個人食，配料細細份，感覺啱啱好呀，唔洗怕食唔曬，唔夠就再點仲好！因為佢上菜好快，所以追加都好有效率！
海鮮拼盤 海鮮拼盤好豐富，有墨魚滑、蝦、青口、蠔、同埋魚，全部都好新鮮，墨魚滑爽口又彈牙，個蠔煮完都冇縮水，仲係好大隻！
火水爐雜果紅豆涼粉冰 食完熱辣辣嘅邊爐，仲有飯後甜品送，就係火水爐雜果紅豆涼粉冰，食完甜品下吓熱，大大碗冰配上煉奶、紅豆粒、涼粉同雜果，一口吃就有多種口感！
呢餐真係好滿足，食到捧住個肚走，食到啲人都走哂！友人都讚呢間任飲任食嘅邊爐真係好食，而服務又好，不時會睇睇有無需要換碟同收碟，仲話下次叫埋其他朋友一齊食，要再encore咁話！
🍽7/10
🔎 火水爐冰室火鍋 (旺角)
旺角煙廠街33號朗廷軒1樓
张贴
