火水爐花膠館 (已結業)

之前聽朋友話旺角有間火水爐食火鍋唔錯，家下佢又開到入屯門，鐘意試新野嘅我地又要去試下新店！呢度裝修有懷舊風，但地方闊落好乾淨。火鍋放題每位$298， 可以叫花膠雞牛小排火鍋套餐 首先會有一個花膠雞煲，啲花膠都有4,5件大大件，雞煲麻辣小辣，唔太麻唔太辣岩哂啲唔係好到辣嘅朋友。個汁都幾惹味。6人以上有會一隻雞。6人或以下就半隻。跟餐有個海鮮拼盤。 墨魚滑唔錯幾彈牙。四款汽水任飲，其他野飲按價收費。無限任食牛小排，正呀！最後仲有一大盤涼粉刨冰做甜品，唔錯！大大份有埋紅豆同雜果，好少火鍋店會用呢款甜品。不過可能新店的關係，出菜比較慢，建議一開始就入多幾張紙寫多啲，節省時間。