影片
更多
2022-08-29
11 浏览
🔴🟡🟢𝑰𝒏𝒔𝒕𝒂𝒈𝒓𝒂𝒎-𝒘𝒐𝒓𝒕𝒉𝒚 𝒐𝒍𝒅 𝑯𝑲 𝒔𝒕𝒚𝒍𝒆 𝒅𝒆𝒄𝒐𝒓🇭🇰 + 𝑨𝒘𝒆𝒔𝒐𝒎𝒆 𝒔𝒆𝒍𝒆𝒄𝒕𝒊𝒐𝒏 𝒐𝒇 𝒊𝒏𝒈𝒓𝒆𝒅𝒊𝒆𝒏𝒕𝒔🦐叄不館係叄嘗兄弟檔，主打懷舊港式邊爐，門口擺放住霓虹燈，裡面以大排檔設計為主，有「笑里牛欄」，「魯美海鮮」比你影相😂仲有舊式戲院佈置🎬，就好似身處於有冷氣嘅大笪地，最適合帶父母懷愐一下青蔥歲月，感受老香港情懷🇭🇰一邊打邊爐，一邊聽住首首膾炙人口嘅廣東歌，父母都忍唔住哼埋一份🎤😆醬油費 $18/位有成10款醬料可以選擇，推薦自家製蔥油醬，沙嗲醬同麻醬，唔會死咸，再溝埋炸蒜同蔥，配肉類海鮮一流👍🏻開胃小食 $20/款香脆花生、涼拌青瓜(但都幾辣🥱)莫生氣椰椰雞湯🥥🐓$178 (🌟9/10)睇片都見到湯底好清澈，店員即開即倒新鮮椰青水落去🥥佢建議我地未落雞前先飲碗湯，真係好清甜濃郁，散發陣陣椰香。湯底濃郁嘅關係所以較汁個陣豉油都唔使落太多～欣賞佢半隻雞係另上，唔會預先煲定搞到鞋晒，所以鮮雞件仲保持到勁嫩滑👍🏻佢油脂亦唔多，最尾都唔會搞到成鍋湯勁油膩～食到最後湯底個粟米係亮點！超濃粟米味🌽入口係完全無渣架，可惜已經勁飽，如果唔係一定會追加佢個招
叄不館係叄嘗兄弟檔，主打懷舊港式邊爐，門口擺放住霓虹燈，裡面以大排檔設計為主，有「笑里牛欄」，「魯美海鮮」比你影相😂仲有舊式戲院佈置🎬，就好似身處於有冷氣嘅大笪地，最適合帶父母懷愐一下青蔥歲月，感受老香港情懷🇭🇰一邊打邊爐，一邊聽住首首膾炙人口嘅廣東歌，父母都忍唔住哼埋一份🎤😆
醬油費 $18/位有成10款醬料可以選擇，推薦自家製蔥油醬，沙嗲醬同麻醬，唔會死咸，再溝埋炸蒜同蔥，配肉類海鮮一流👍🏻
開胃小食 $20/款香脆花生、涼拌青瓜(但都幾辣🥱)
莫生氣椰椰雞湯🥥🐓$178 (🌟9/10)
睇片都見到湯底好清澈，店員即開即倒新鮮椰青水落去🥥佢建議我地未落雞前先飲碗湯，真係好清甜濃郁，散發陣陣椰香。湯底濃郁嘅關係所以較汁個陣豉油都唔使落太多～
欣賞佢半隻雞係另上，唔會預先煲定搞到鞋晒，所以鮮雞件仲保持到勁嫩滑👍🏻佢油脂亦唔多，最尾都唔會搞到成鍋湯勁油膩～
食到最後湯底個粟米係亮點！超濃粟米味🌽入口係完全無渣架，可惜已經勁飽，如果唔係一定會追加佢個招牌椒鹽粟米!!💛
西班牙黑毛豬🐷
$138 (🌟8.5/10)
大大片厚薄適中，肉味濃郁唔韌，即使我唔食牛都覺得好滿足!
雙籽鮮蝦雲吞🦐$80 (🌟9.5/10)
呢粒雲吞好驚艷到我，好飽滿包住超大隻蝦，蝦肉好鮮甜彈牙，雲吞皮夠薄又唔易穿，真心高質過好多雲吞麵舖...
白鱔片$𝟵𝟴 (🌟8.5/10)
厚身魚肉白淨唔算多骨，最重要係完全唔腥!!
手打五寶丸$98 (🌟8/10)
豬肉丸、鯪魚丸、牛丸、墨魚丸、蝦丸
肉味濃，真材實料，爽口彈牙，如果大粒啲會更好🤫
紫菜炸響鈴
$68/6件 (🌟9/10)
即叫即炸，裏面包住紫菜，炸得夠乾身唔油膩，輕輕浸幾秒熱湯可以保持香脆，每人兩件都唔夠喉🤤
竹蔗茅根海底椰(榨)$48 (🌟8/10)
打邊爐最佳飲品，清甜解渴，冇渣好順喉，超清熱下火
蜂巢豆腐
$42 (🌟8/10)
皺皺表面口感幾特別，吸收晒湯底精華
唐生菜$42 (🌟7.5/10)
好新鮮，色澤翠綠，味道爽脆清甜
紅薯粉
$38 (🌟8/10)
偏軟身，好索湯，超滑嘟嘟一唔覺意就滑落喉嚨，撈埋秘製汁超好味😋
總結: 一路食一路感受到餐廳對環境裝潢氣氛，以至食材湯底醬料都好講究，基本上都無咩好挑剔，父母都大讚好耐無食過咁高水準嘅邊爐✨
张贴
