城寨煲皇

营业中

休息中

尖沙嘴有一間充滿霓虹燈嘅港式火鍋店，除咗餐廳環境非常之有特色之外，食物都相當有質素💓招牌必食✨城寨招牌龍鳳雞煲翅嚟到城寨，梗係叫返個招牌🥰，呢個雞煲翅嘅湯底非常足料，味道好濃郁，淡淡花膠魚翅超級豐富嘅食材，食完之後覺得回味無窮！濃郁湯底✨鮮茄龍蝦濃湯鍋呢個湯底同樣非常之濃郁，酸甜嘅蕃茄加上新鮮嘅龍蝦熬製，用嚟打邊爐就一流！特色之選✨梅菜猪肉丸建議大家一定要試吓呢款配料，啖啖肉嘅口感，加上酸酸地又鹹香嘅梅菜香味，其他地方真係未必食到。肥美新鮮✨鹽燒鮑魚加海膽鮑魚同樣肥美又大隻，再加上面頭有啲海膽，好掂。新鮮彈牙✨泰式珍寶生蝦生蝦爽甜又彈牙，打邊爐不可缺少嘅海鮮。高質肉類✨日本黑豚肉 身為一個食肉獸，當然要食佢哋日本產嘅黑豚肉，口感嫩而好入味。另外，仲叫咗其他配料同特色小食都好唔錯添。