一入到嚟見到裝修就覺得好靚，好多霓虹燈
我哋都覺得相比其他舊式扒房
呢間都幾有香港特色幾有feel
我叫咗個紐西蘭肉眼扒
肉質軟腍腍，餐廳仲專登加咗一大羹蒜蓉
黑椒汁同蒜蓉嘅配合好好味啊！
朋友叫咗呢個芝士焗龍蝦海鮮飯
龍蝦直接俾咗半邊，好大隻，仲有勁多膏
個飯既白汁都好好味，真材實料
本身諗住舊式扒房叫一個餐淨係有湯同埋嘢飲
點知佢哋仲送埋甜品喎，有驚喜
呢個應該係提子味啫喱糖，仲配埋花奶
即刻啲童年回憶返晒嚟
1
最後埋單都係$300唔使
我哋兩個坐低咗成三個鐘頭傾偈
餐廳都冇趕我地走
超級抵食呀，推薦！
