吃扒 (已結業)

好耐冇係旺角食飯，原來多咗好多新餐廳~ 行過俾 吃扒 紫色門面吸引咗，平日晚餐時間等一陣就有位。餐廳裝修以紫色為主，無論係餐廳裝修同餐具，再加上昏暗嘅黃色燈光，營造出懷舊嘅感覺。雖然餐廳叫吃扒，但除咗鐵板餐，仲有飯、意粉同生酮餐。最驚喜竟然有唂咕、滾水蛋呢啲舊式飲品😳叫咗2款扒，轉套餐會有餐湯餐包飲品，非生酮餐仲有個小甜品。餐湯揀咗羅宋湯同豬骨中湯，個人覺得中湯好味啲。🌟慢煮美國西冷牛扒 $228 （轉套餐 +$20）🥩呢個係生酮餐，即唔會有意粉/飯/薯菜，但會配炸椰菜花🥩慢煮牛扒肉質鬆軟，冇咩肥膏，熟度均衡🥩炸椰菜花好特別，咬落去脆脆地🥩配埋黑椒汁更懷舊😂🌟特選肉眼扒 $162 （轉套餐 +$25）🥩另外加咗$18熱熔芝士！望住店員係面前熔芝士，再倒落牛扒上面好治癒🤤可能人多，如果芝士再熔啲會更好🥩呢款係鐵板上，牛扒叫左5成熟，放咗陣都唔會過熟🥩比起西冷多肥膏🥩用芝士卷住牛肉食更香總結：高級版嘅懷舊港式扒房，食物質素都唔錯，限時90分鐘其實都夠時間食。