吃扒 (已結業)

去開旺角睇玩具買波鞋，黎遠見到一間勁搶眼的紫色店面。見外表咁高級，以為好貴，但價錢又唔算好貴喎，平時食開花園、金鳳既我哋，一於試吓新野先❣️店內貫徹高雅風格，水晶吊燈加復古風裝潢，配以柔和燈光，播放著香港經典舊歌，座位之間不會逼夾侷促，幾舒服😌Menu除了扒餐外，有意粉飯類，亦有為生酮人士而設的keto晚餐✨ 晚餐加$25可轉套餐，有齊餐包+餐湯+餐飲+甜品。🍴吃扒什扒 $174無論去到邊，🐷先生必點什扒餐+黑椒汁😂 貪佢抵食夾大件，樣樣都有✨ 有齊煎蛋、豬扒、牛扒、雞扒、煙肉、牛仔腸。一枱已經見到疊得好高，非常足料👍🏻🍴熱熔芝士紐西蘭牛柳 $188芝士控的我一定要試😋 上枱前店員仲提我準備手機拍片，原來會有火焰熱熔芝士淋上牛柳薯條🔥🔥🔥 充滿視覺享受。牛柳軟腍很大塊，剛好5成熟，切開粉嫩粉嫩的，配上啖啖芝士，超邪惡呀😎🍴甜品食完鐵板扒餐，而非常滿足🤰🏼🫃🏻店員上埋甜品。原來是雲呢拿雪糕✨仲好有心思地淋上朱古力醬及彩針糖。味道無乜特別，但懷舊感十足✨整體環境高雅有情調，價錢未算平，但食物質素不錯，份量足，絕對有誠意❣️ 想有情調，又想試下港式扒房風味，可以試試。