大叢小廚海鮮火鍋

一諗起小菜，香港人自自然然就會去酒樓，但食得多都好似有小小厭，今日我就一家人去左一間新開無耐的小菜館，即刻介紹下⬇️

味道都的確唔錯，港式懷舊菜式都好多款，老人家去到應該都幾鍾意。
餐廳入邊有三間房可以預訂，如果想食蝦多士同埋杏汁豬肺湯就要提早訂啦！

我今日就冇訂房，坐外邊，座位都闊落，不過就燈光暗少少，唔知點解坐下坐下想瞓教，所以記住揀啲光猛嘅位。

2

成半隻手板咁大的鮑魚，冰鎮爽口 無雪藏的味道好緊要！原先已夠味，不用再點汁 幾個人食，一碟上真係有少少澎湃架。不過我覺得個名最搞笑囉—一口鮑魚。

2

味道濃郁，暫時食過咁多間中菜最濃味，成兜湯直頭好似杏仁糊一樣起沙，不過我就似咸版嘅杏仁露，超級好味，湯渣全家食哂！ 阿媽話要提早一日訂㗎記住啦！

1

呢啲招牌菜唔使講啦一定好好味 分量夠大份，連埋金銀蒜蒸贏硬！

1

牛尾炆得好淋，可惜個汁唔夠濃。個蒜蓉包真心大伏，證明唔係中菜館應該試，如果你攞泰國菜館嘅蒜蓉包同佢比，你會跌晒眼鏡，不過我覺得可以改善嘅，蒜蓉同牛油要份量多番好多先夠味。

1

聽聞好似又係預先訂嘅，蝦多士一流，多士鬆脆唔油膩。啖啖配埋蝦膠，香口大滿足，咕嚕肉嘅部份呢，冇咩事都係去返酒樓食啦

新鮮炸起，完全冇燶，金黃色香味俱全，啱晒唔鍾意太甜嘅朋友，煙韌好好食😋