影片
更多
2020-12-11
234 浏览
話說琴晚係 社交平台見到個post，講一間喺紅磡曲街嘅懷舊港式冰室，經過幾十個年頭，因為七十幾歲嘅主理人退休，新年過後將會結業。雖然我從來冇黎過呢間東門冰室，不過為左唔想錯過人情味小店既心，lunch時間決定由尖東走到曲街一試。由於冰室2點就關門，我同同事一放lunch就趕往紅磡！ 從機利士南路左轉到曲街，見到人龍就知道東門冰室嘅位置。等左冇耐就可以入座，因為限聚兩人一枱所以舖頭最多大約只可坐10位客人，夥計「遮遮」嘅熱情招待同「開龍雀」般雞啄唔斷，實在不失熱鬧！ 舖面環境保留住70年代嘅花紋瓷磚、舊式實木圓桌凳同舊式4：3電視，充滿住歲月嘅痕跡。食物方面，由於事前已經做好功課，知道冰室大熱係煎豬扒、炒牛同章魚餅。同埋距離關門時間已經唔多，本身諗住叫以上3餸，不過炒牛已經沽清，就叫左個「豬扒章魚餅福字麵」。老闆娘主要負責水吧，先為我送上凍奶茶。奶茶非常順滑，略嫌茶味唔突出。一路飲一路聽住街坊們同遮遮上至天文下至地理嘅談天說地，除左飲到奶茶香，仲飲到啖啖人情味～ =========================豬扒章魚餅福字麵 $40 包飲品未幾遮遮送上食物，好耐冇食過福字麵，加上甜甜
從機利士南路左轉到曲街，見到人龍就知道東門冰室嘅位置。等左冇耐就可以入座，因為限聚兩人一枱所以舖頭最多大約只可坐10位客人，夥計「遮遮」嘅熱情招待同「開龍雀」般雞啄唔斷，實在不失熱鬧！
舖面環境保留住70年代嘅花紋瓷磚、舊式實木圓桌凳同舊式4：3電視，充滿住歲月嘅痕跡。
食物方面，由於事前已經做好功課，知道冰室大熱係煎豬扒、炒牛同章魚餅。同埋距離關門時間已經唔多，本身諗住叫以上3餸，不過炒牛已經沽清，就叫左個「豬扒章魚餅福字麵」。
老闆娘主要負責水吧，先為我送上凍奶茶。奶茶非常順滑，略嫌茶味唔突出。一路飲一路聽住街坊們同遮遮上至天文下至地理嘅談天說地，除左飲到奶茶香，仲飲到啖啖人情味～
=========================
豬扒章魚餅福字麵 $40 包飲品
豬扒章魚餅福字麵
$40
29 浏览
1 赞好
0 留言
FB post提到老闆娘年事已高，過左新年準備退落黎，唔再經營呢間老字號。正正係冰室對面就係一個重建中嘅地盤，同東門冰室成強烈嘅對比。但願呢類人情味懷舊小店可以傳承落去，不禁感嘆時光飛逝，希望東門冰室喺結業前有更多人品嚐到果種「家的味道」。東門冰室
📍紅磡曲街16號福家大廈地舖
张贴
