叁樓火鍋 (已結業)

本身book咗同男朋友睇戲，睇完喺附近食野～random咁search到呢間火鍋店好古色古香，好似幾有feel咁，就去咗試下～講到打邊爐一定要先揀個湯底，因為想試兩款唔同嘅味，就叫咗一邊麻辣鴨血粒粒蜆鍋，另一邊重芫荽皮蛋滑豆腐濃湯鍋，咁樣有d餸可以辣有d可以唔辣！個鍋上黎果下真係驚艷到😂 個龍頭係噴緊氣，一定要影底先！睇相都見到個湯底好足料！特別係芫荽，係勁多！我男朋友食得好開心😂😂韭菜豬肉餃 / 鮮蝦雲吞 / 手打鮮牛丸 / 手打鮮蝦 - 見到呢個形狀就知係新鮮手打，個人覺得個韭菜豬肉餃好出色，陣韭菜味好濃！識食一定要食唔同部位嘅牛～頂級安格斯 / 手切本地牛 / 霜降牛粒 / 牛舌 / 牛白肉仲有一個亮點就係樽裝汽水！宜家已經好少見！