Shibui 洋食屋 (已結業)

今日同朋友嚟到九龍城，經過Shibui 洋食屋就俾佢嘅門口引住呢～不過未開門嘅關係，我哋決定午餐時間個陣先再過嚟。餐廳入面嘅裝修好似俾返咗去日本一樣 ，放置不少復古傢俱同小裝飾 ，加埋柔和嘅日本歌曲，俾人一種輕鬆嘅感覺。我哋叫咗名古屋風冷湯拌麵、唐揚小食拼盤同芝士旋風雞蛋包飯。 芝士旋風雞蛋包飯唔單止外型吸引，芝士同蛋香味濃，旋風狀嘅滑蛋加埋芝士，口感順滑，而入面包住茄汁炒飯，雖然味道酸酸甜甜，但係成個飯嘅味道好夾呢！名古屋風冷湯拌麵嘅拌麵汁味道特別，有淡淡清香同濃郁嘅鰹魚味，加上紫菜、雞蛋、肉碎、木魚嘅配料，整體口感豐富，好惹味呀～而唐揚小食拼盤有雞軟骨、魷魚同一口脆芝士，上菜嘅時候熱辣辣脆卜卜，又唔會炸得過火，啱晒一面傾吓偈一面食呀！下次可以再嚟食嘢放鬆下