搭地鐵站可以係上環站或西營盤站落車行大概5-8分鐘就到啦，搭電車叮叮都可以，就在皇后街站對面！非常方便！
茶樓前身係蓮香居，全部伙記原班人馬班底！裝修懷舊傳統風格，所有點心都好有回憶的感覺！
門口大大個門牌好有feel, 打卡一流！
⭐️炸雲吞
呢碟必點！雲吞皮脆脆的，食落索索聲！小時候的至愛，回憶返晒黎！
⭐️鳳爪
鳳爪亦都係香港茶樓必點！非常軟腍，老人家都食到！
⭐️蝦餃
亦係小時候必點的點心其中之一！餃皮好薄，皮薄餡靚！
⭐️牛孖筋
加上黑椒調味零舍惹味，口感超級軟腍！補充骨膠原之選👍🏻
⭐️豬潤燒賣
一定要寫單落單，係呢度既特色菜，豬潤勁厚，勁大塊！
⭐️叉燒瀨粉
下午茶特價之選，一定要點！超級抵食！叉燒半肥瘦，好香又好腍，唔會硬。瀨粉又好爽口。
⭐️蓮蓉包
亦都係懷舊點心其中之一，最緊要係蓮蓉包中間除咗蓮蓉之外，仲有鹹蛋黃！我好鐘意食鹹蛋黃，所以覺得呢粒鹹蛋黃簡直係畫龍點睛，整個包既靈魂🤣！
