阿四車仔麵 (已結業)

阿四車仔麵今日去到旺角覓食，朋友見到呢一間新穎嘅車仔麵檔，就提議話入去食下，呢間車仔麵檔同以往嘅唔同，阿四車仔麵由年輕老闆主理，除咗車仔麵之外，佢仲有其他飯嘅選擇，部份選擇更結合西方慢煮方式去煮。我有少少飽唔想食太多澱粉質，就嗌左淨餸冬菇味香，滷得好入味，而且口感滑瑞士雞翼好入味，而且色澤均勻另外仲嗌咗雞腎、腩肉、 同埋芋絲，不過我個人就覺得個腩肉偏肥咗少少朋友嗌左碗米線加三餸辣魚蛋，香辣咖喱汁好惹味甜酸齋，同埋放咗落湯度仲係脆嘅春卷兩碟小食，吉列蠔同埋唐掦雞塊（4/5）個人推薦唐掦雞塊！好酥脆！我哋仲嗌咗兩枝港式樽仔奶茶 （4.5/5）奶茶味香濃，唔會太甜，唔係嗰種死甜嘅奶茶間野喺旺角但係啲嘢都仲賣得咁平，良心小店嚟～（佢哋仲係黃店！），同埋佢哋地方闊落，啲座位唔會太迫，都算隔得開，唔似有啲舖頭自己背脊好似貼住人哋背脊咁，又乾淨企理，實在抵食😆